لاہور میں اس بار بارش نے تیس سالہ ریکارڈ ٹوڑ دیا

حکام نے بتایا کہ بدھ کے روز ہونے والی مسلسل بارش نے 30 سال پرانا ریکارڈ توڑ دیا جب شہر میں 10 گھنٹوں کے دوران 290 ملی میٹر سے بھی زیادہ بارش ہوئی، جس کے نتیجے میں کم از کم سات افراد ہلاک ہو گئے۔

پنجاب کے عبوری وزیر اعلیٰ محسن نقوی نے لاہور میں صحافیوں کو بتایا، “تین افراد کرنٹ لگنے سے ہلاک ہوئے، دو چھتیں گرنے سے ہلاک ہو گئے، اور بارش کا پانی جمع ہونے سے ایک بچہ ڈوب گیا۔”

اپنے آفیشل ٹویٹر میں بتایا، عبوری وزیر اعلیٰ نے کہا کہ بارش سے مرنے والوں کی تعداد سات ہو گئی ہے
۔
کمشنر لاہور محمد علی رندھاوا نے کہا کہ میٹروپولیس میں 291 ملی میٹر بارش ہوئی ہے،اور جس کے دوران ایک درجن سے زائد علاقوں میں 200 ملی میٹر سے زیادہ بارش ریکارڈ کی گئی۔

انہوں نے مزید کہا کہ شہری انتظامیہ اور واٹر اینڈ سینی ٹیشن اتھارٹی (واسا) لاہور کے تمام افسران اور عملہ بارش کے پانی کی نکاسی کو یقینی بنانے کے لیے پوری طرح متحرک ہے۔